بكره الجاى !!

عيدان الموسيقى المنبته
والأحلام اللى فى قلبى متبته
دليل على بكره الجاى
دليل على أن السور العالى
وهمى
ودليل على أنى
قادر أكون أنا
مين قال أن السما
بعيده عن الراغبين
فى لمس السما
بعشها براحه وصفا
وأحلام أعشها حتى
ولو على الأرصفه
وليل ماشوفوش
غير نهار بيلاعبنى أستغمايه
وضحكايه كل ما تنتهى
أعيد من تانى الضحكايه
ما أنا صاحب الحكايه
وبخطى السطر ورا السطر
وبأيدى الأمر
ما أنا صاحب الحدوته
والدنيا مش ملتوته
لو صدقت أنى قادر أكون
بكره الجاى !!