مشتاق لقلب يحِب

مشتاق لقلب يحب

مش أوهام بتقول فـــ كلاااام

محتاج لصدر يضُم

مابيرغم عالفطــــام

الطفل جوَّايا بيبكـــــى

ومهما نشكى

ومهما نحكى


مش هايــــــجدى

بيطالب بالغرام

وشهد الشفايف الورد

اللى بتمحى البرد

وتخللى ضى الخد

مايتوصف بكلام

وإنتى ياحبيبتى

طوِّلتى فى الخصــــــام

وأنا من بعدك انتى

على الدنيـــــا الســــلام

وأدوَّر ليه على تانيه

وانا فـــ ثانيه

هاسيب الدنيا

ماهى فانيـــــــه

ويكفينى,,,,,

يانور عينــــــى

أشوفك تانى فـــ التانيه

وألقى الروح بتحضنِّى

تبشَّرنى,,, تطمِّنى

وترغمنى وتأمرنى

أعيش ويَّاكِ فـــ الجنًَّه


جمال نصر